Jeff Bezos ដាក់គោលការណ៍ ៨ចំណុចធ្វើអោយអាជីវកម្មគាត់ជោគជ័យ

Jeff Bezos ដាក់គោលការណ៍ ៨ចំណុចធ្វើអោយអាជីវកម្មគាត់ជោគជ័យ

មហាសេដ្ឋីមានបំផុតក្នុងពិភពលោក Jeff Bezos ដែលជាស្ថាបនិកក្រុមហ៊ុន Amazon.com កាលពីមុនលោកក៏ជាអ្នកធ្វើការងារអោយគេដែរ  ក្រោយមកលោកបានឈប់ធ្វើការងារអោយគេមកចាប់ផ្តើមលក់សៀវភៅតាមអនឡាញ ។  ក្នុងពេលនោះលោកបានបង្កើតគេហទំព័រវែបសាយលក់សៀវភៅគ្រប់មុខ  រហូតបានបន្លែងខ្លួនទៅជាក្រុមហ៊ុនលក់រាយនៃទំនិញគ្រប់មុខក្នុងសហរដ្ឋអាមេរិច  ។ ក្នុងពេលបច្ចុប្បន្ននេះលោកក្លាយជាមហាសេដ្ឋីដែលមានបំផុតក្នុងពិភពលោកដែលមានទ្រព្យសម្បត្តិផ្ទាល់ខ្លួនប្រមាណ ១៣១ ពាន់លានដុល្លារ ដែលចេញផ្សាយដោយទស្សនាវដ្តី Forbes.com  ។   មហាសេដ្ឋីរូបនេះមានគោលការណ៍ដែលជំរុញអោយលោកទួលបានជោគជ័យក្នុងអាជីវកម្មលក់ទំនិញតាមអនឡាញ  ហើយវិវត្តន៍ក្លាយជាក្រុមហ៊ុនធំបំផុត  ៖

១-កុំស្តាយក្រោយ ៖    មហាសេដ្ឋីរូបនេះបានពោលថា  គាត់មិនស្តាយក្រោយអ្វីដែលគាត់ធ្វើនោះទេ   ប៉ុន្តែគាត់នឹងស្តាយក្រោយនូវការព្យាយាមមិនដល់របស់គាត់  ។  មានន័យថាអ្វីដែលយើងកំពុងធ្វើ ចូរធ្វើវាអោយអស់លទ្ធភាពកុំមានការសោកស្តាយក្រោយនូវលទ្ធផលណាមួយ  ព្រោះយើងបានព្យាយាមអស់ពីខ្លួនហើយ  ។

២-ដើរតាមក្តីស្រមៃរបស់អ្នក ៖   អ្នករកស៊ីគ្រប់គ្នាត្រូវតែដើរតាមក្តីស្រមៃរបស់ខ្លួន  ហើយកុំព្យាយាមអោយខួរក្បាលរបស់យើងជាអ្នកកំណត់ផ្លូវដើរ  ព្រោះខួរក្បាលយើងអាចគិតខុស  ។  ប៉ុន្តែបើក្តីស្រមៃរបស់យើងមានហើយ  ទោះបីជាការគិតរបស់យើងខុសក៏អត់មានបញ្ហាដែរ  ព្រោះបើការគិតរបស់យើងខុស  យើងអាចគិតសារជាថ្មីបាន  ប៉ុន្តែក្តីស្រមៃមិនអាចគិតសារជាថ្មីបានទេ  ។

៣ -វិនិយោគលើផលិតផល  ប្រសើរជាងវិនិយោគលើទីផ្សារ៖   លោកមិនប្រកួតជាមួយក្រុមហ៊ុនណាដែលរកស៊ីដូចគ្នាទេ  លោកក៏មិនចាត់ទុកគេខ្សោយ ឫខ្លាំងេជាងខ្លួនដែរ   ប៉ុន្តែអ្វីដែលសំខាន់ត្រូវតែផ្តោតនោះគឺ  គុណភាពផលិតផល ឫសេវាកម្មរបស់ខ្លួនអោយអស្ចារ្យ  ដូច្នោះអតិថិជនក៏មកដោយខ្លួនឯង មិនចាំបាច់ប្រឹងធ្វើទីផ្សារប្រកួតប្រជែងទេ  ។

៤-ស្វែងរកឈ្មោះអាជីវកម្មដែលទាក់ទាញ៖   ជាការពិតណាស់ឈ្មោះអាជីវកម្មរបស់យើងត្រូវតែជាឈ្មោះដែលគេស្គាល់ដែលមានអារម្មណ៍ថារំភើប  ឬសប្បាយ  ចំឡែក អ្វីមួយដែលគេស្គាល់ ទើបធ្វើអោយអតិថិជនមានការចង់ចាំបាន  ។

៥-ផ្តោតលើអតិថិជន៖    ចំពោះអ្នករកស៊ីចំណុចសំខាន់កុំអោយខូចកេរ្តិ៍ឈ្មោះនៅថ្ងៃក្រោយ  ចំពោះផលិតផល ឫសេវាកម្មដែលគ្មានគុណភាព  ហើយចំពោះការរិះគន់របស់អតិថិជនត្រូវតែយកចិត្តទុកដាក់អោយខ្លាំងទើបមានឈ្មោះបោះសំឡេងក្នុងទីផ្សារ  ។

៦-ផ្តោតលើក្តីស្រឡាញ់របស់អ្នក៖    ចំពោះការធ្វើការងារ ឫការធ្វើអាជីវកម្មផ្ទាល់ខ្លួន  កុំធ្វើអោយតែរួចពីដៃ  ត្រូវតែធ្វើដោយក្តីស្រឡាញ់កើតចេញពីចិត្ត  នោះអ្នកគ្មានការធុញទ្រាំចំពោះកិច្ចការនោះទេ  ។

៧-ផលិតផលស្តង់ដាតម្លៃទាបសមរម្យ ៖    ចំពោះផលិតផលក្នុងទីផ្សារ Amazon.com សុទ្ធតែមានគុណភាពខ្ពស់ដែលមិនប៉ះពាល់ដល់ផ្នែកណាមួយនៃអតិថិជននោះទេ  ហើយតម្លៃវិញស្ថិតក្នុងទីផ្សារដែលសមហេតុផលបំផុត  ។  ដូច្នោះហើយបានជាអតិថិជន Amazon.com មិនចាំបាច់ចរចារទិញ  មិនចាំបាច់ប្រួយបារម្ភខ្លាចខូចសុខភាពនោះទេ  មិនចាំបាច់ភ័យអ្វីទាំងអស់  ។

៨-ទទួលយកហានិភ័យ៖   ការរកស៊ីសុទ្ធតែមានហានិភ័យដោយប្រការណាមួយជាមិនខាន  ប៉ុន្តែចំពោះមហាសេដ្ឋីរូបនេះគាត់តែងតែទទួលយកហានិភ័យគ្រប់យ៉ាងដោយមិនខ្លាចអ្វីទាំងអស់  ។

Credit: https://www.business-cambodia.com