សម្រង់សម្តីចាក់ដោត ទាំង៣ របស់សេដ្ឋី អចលនទ្រព្យ ពុង ឃាវសែ ក្នុងវិស័យជំនួញ

សម្រង់សម្តីចាក់ដោត ទាំង៣ របស់សេដ្ឋី អចលនទ្រព្យ ពុង ឃាវសែ ក្នុងវិស័យជំនួញ

ការធ្វើជំនួញ មិនមែនជាការងាយស្រួលដូចអ្វីដែលគេនិយាយ ដូចអ្វីដែលគិតនោះទេ! ដូចនេះ តោះមកស្តាប់ពីសម្តីចាក់ដោត​ទាំង៣​របស់អ្នក​ឧកញ៉ា ពុង ឃាវសែ ជាអ្នកជំនួញចាស់វស្សា ក្នុងវិស័យអចលនទ្រព្យ លើគម្រោងធំៗជាច្រើន នៅកម្ពុជា ។ ខាងក្រោមនេះ ជាសម្រង់សម្តីក្នុង​ការ​ធ្វើជំនួញរបស់លោក៖

១. “ឥឡូវនេះខ្ញុំមានអាយុ៧១ឆ្នាំហើយទម្រាំធ្វើព្រលាននេះរូចខ្ញុំមានអាយុ៨៧ឆ្នាំឯណោះ មិនគួរទទួលយក​គម្រោង​​នេះមកធ្វើទេ តែ ខ្ញុំនឹងប្រើឆាកជីវិតចុងក្រោយរបស់ខ្ញុំ មកសង់ព្រលានយន្តហោះអន្តរជាតិថ្មី នៅស្រុកស្អាងខេត្តកណ្តាល ធំជាងគេនៅកម្ពុជា ឲ្យបានដាច់ខាត។” 

ក្រោយពីបានទទួលសិទ្ធសាងសង់ព្រលានយន្តហោះអន្តរជាតិថ្មី នៅស្រុកស្អាង ខេត្តកណ្តាល ពីសំណាក់រាជរដ្ឋាភិបាលកម្ពុជា អ្នកឧកញ៉ា​ចាស់វស្សាក្នុងវិស័យអចលនទ្រព្យរូបនេះ បានបញ្ជាក់ថា​ លោកនឹងប្រើ ជីវិតចុងក្រោយរបស់លោក ដើម្បីបញ្ជប់គម្រោងសំណង់ដ៏ធំជាប្រវត្តិ​សាស្ត្រមួយនេះ ។

២. “ធ្វើ​ជាជំនួញមិនស្រួលដូចការគិតទេ ធ្វើការ​គ្មាន​ពេល​សម្រាក​ទេ កុំ​ថា​ឡើយ ថ្ងៃ​សៅរ៍ ថ្ងៃ​អាទិត្យ​នោះ មិន​ថា​យប់ មិន​ថា​ថ្ងៃ ។”

ជាអ្នករកស៊ីម្នាក់ មិនមែនជាការងាយ មិនស្រណុក ដូចគ្រប់គ្នាឃើញតែពីសំបកក្រៅឡើយ តែលោកធ្វើការស្ទើរតែគ្មានពេលសម្រាក សោះក៏មាន។

៣. “ ខ្ញុំ​​មាន​​អំរែក​​ធ្ងន់​​ណាស់​​សម្រាប់​បុគ្គលិក​របស់​ខ្ញុំ​ប្រមាណ​ជិត១៥០០០នាក់ ។ “

បុគ្គលិកប្រៀបបានជាគ្រួសារ ហើយបុគ្គលិករបស់លោកបច្ចុប្បន្ន មានជាង ១៥០០០នាក់ ហើយក្នុងនាមលោកជា មេគ្រួសារ ច្បាស់ជាត្រូវស្វែងរកគ្រប់វិធី ដើម្បីចិញ្ចឹមកូនចៅខ្លួនឯងហើយ។

គួរឲ្យដឹងផងដែរថា បច្ចុប្បន្ន អ្នក​ឧកញ៉ា ពុង ឃាវសែ មាន​តួនាទី​សំខាន់ៗ​ជា​ច្រើន ដូចជា ប្រធាន​ក្រុមប្រឹក្សាភិបាល និង​ជា​អគ្គនាយក​ធនាគារ កាណាឌីយ៉ា អគ្គនាយក​ក្រុមហ៊ុន​វិនិយោគទុន​អាណិក​ជន​កម្ពុជា (OCIC) ប្រធាន​សមាគម​អ្នក​សាងសង់​កម្ពុជា ប្រធាន​សមាគម​ធនាគារ​កម្ពុជា ប្រធាន​សមាគម ខែ្មរ-ចិន និង​តួនាទី​ជា​ច្រើន​ទៀត។

Credit: https://www.business-cambodia.com